Seðlabankastjóri mætti ekki í grjónagraut og slátur hjá SUF

Davíð Oddsson seðlabankastjóri mætti ekki í hádegisverð þann sem honum stóð til boða að þiggja í dag.

Það var samband ungra framsóknarmanna (SUF) sem sendi Davíð boð bréfleiðis í vikunni og bauð seðlabankastjóra upp á grjónagraut og slátur í hádeginu ásamt góðu skrafi um málefni líðandi stundar. http://www.suf.is/?i=49&expand=21-42-49&b=1,646,Fréttir.Birting

Það hefði nú verið smart hjá seðlabankastjóra að nýta sér þetta gullna tækifæri til þess að fá ókeypis hádegisverð í kreppunni. Hann er kannski ekki nógu vel að sér í sparnaði blessaður? Hann ætti kannski að líta á sparnaðarráð SUF á www.suf.is og fá líka góð ráð hjá íslensku þjóðinni sem verður orðin sérfróð um sparnað á næstu misserum.

Það sást af mótmælunum að það er kynngikraftur í íslensku þjóðinni um þessar mundir. Það er því ekki bara náttúruleg orka sem við eigum heldur ekki síður orku í þjóðinni sjálfri. Þarna talaði til dæmis ung kona (Katrín Oddsdóttir) sem var alveg frábær ræðumaður, þvílíkur kraftur! Maður fyllist alveg nýrri von fyrir hönd þjóðarinnar að sjá slíkan kraft.

Íslendingar láti ekki kúga sig

Athugasemdir

[Sævar Einarsson, 23.11.2008 kl. 00:57]

Hann hefur verið upptekin að bjarga uhhhh ehhhh *pass*

[Einar Sigurbergur Arason, 23.11.2008 kl. 04:23]

Kærir maðurinn sig eitthvað um að svara spurningum? Er hann ekki þekktur fyrir að mæta ekki í viðtöl í sjónvarpi nema "drottningarviðtal" sé, hann eigi senuna og hafi eitthvað um að segja hvaða spurningar eru teknar fyrir? Ég held að það sé hægt að semja um það þegar maður kemur í viðtal að maður fái að sjá spurningarnar fyrirfram, svo maður geti undirbúið sig. Varla trúi ég öðru en að Davíð nýti sér þetta, og hóti að mæta annars ekkert.