Húsnæði óskast!

 

SAMSTAÐA flokkur lýðræðis og velferðar leitar að góðu húsnæði miðsvæðis á höfuðborgarsvæðinu. Húsnæðið þarf ekki að vera mjög stórt en þarf að rúma málefnastarf okkar sem verður unnið í hópum og minni fundi.

Hafir þú yfir að ráða hentugu húsnæði sem þú getur leigt okkur á mjög sanngjörnu verði eða styrkt okkur með því að lána það þá mátt þú gjarnan hafa samband á netfangið [e-mail] eða hafa beint samband við einhvern úr stjórninni.

Sé um styrk að ræða þarf hann að rúmast innan laga um fjármál stjórnmálasamtaka og frambjóðenda en í þeim segir m.a.:

7. gr. [Hámarksframlög, leiðbeiningarreglur og kostnaður vegna kosningabaráttu.]¹⁾
Stjórnmálasamtökum og frambjóðendum er óheimilt að taka á móti hærri framlögum frá lögaðilum en sem nemur [400.000 kr.]¹⁾ á ári. Undanþegin slíku hámarki eru þó framlög í formi afslátta svo fremi um sé að ræða almenna afslætti sem veittir eru frá markaðsverði með opinberum hætti og slíkir afslættir séu sérgreindir í reikningum. Lögaðilar, sem inna af hendi framlög til stjórnmálasamtaka eða frambjóðenda, skulu sérgreina heildarfjárhæð slíkra framlaga í ársreikningum sínum. Telja skal saman framlög tengdra aðila.
[Stofnframlög, þ.e. framlög frá lögráða einstaklingum og lögaðilum sem eru veitt í beinum tengslum við stofnun stjórnmálasamtaka, mega að hámarki nema sem svarar til tvöföldu hámarksframlagi skv. 1. mgr.]¹⁾
Stjórnmálasamtökum og frambjóðendum er heimilt að taka á móti framlögum frá lögráða einstaklingum sem nemur allt að [400.000 kr.]¹⁾ á ári. ...¹⁾

(birt af heimasíðu SAMSTÖÐU flokks lýðræðis og velferðar www.xc.is )

Athugasemdir

[Vilhjálmur Stefánsson, 7.3.2012 kl. 23:22]

Hvenær áttu von á Kosningum til þings??

[Jón Gunnarsson (IP-tala skráð) 8.3.2012 kl. 00:47]

Hvað með að yfirtaka húsnæðið þar sem Krista, hárgreiðslustofa, var í Kringlunni? Það leggja mun fleiri leið sína þangað en í miðbæinn og þetta er stórt húsnæði. Hljómar fáránlega? Ég bið ykkur samt að tékka á málinu. Það væri gáfulegt að hafa húsnæði líka þar sem fólkið er, ekki bara þar sem maður ímyndar sér það sé...Svo mætti setja plaköt um Kringluna og bjóða fólki að kíkja upp á þriðju hæð í kaffi og spjall.....