Góðan daginn íslensk stjórnvöld!

Er einhver vaknaður á stjórnarheimilinu eða í þingheimi almennt?

Hvað er að frétta af vinnu ykkar og afstöðu varðandi málefna Tíbet?

Við þurfum að taka skýra afstöðu gegn þeim mannréttindabrotum sem framin eru í Tíbet af kínverskum stjórnvöldum.

Við eigum að afboða komu okkar á ÓL í Peking og sýna Tíbetum stuðning. Það er kominn tími til að beita kínversk stjórnvöld þrýstingi til þess að láta af ómannúðlegri ofbeldisstefnu sinni þar sem framin eru menningarleg þjóðarmorð og kúgun og ofbeldi beitt sem valdatækjum.

 

 

 

Átök brutust út í Sichuan héraði í Kína

Stórt skref

Þetta umfangsmikla verkefni sem lengi hefur staðið til en virðist loks vera að verða að raunveruleika þarfnast mikils og vandaðs undirbúnings.

Ég legg til að virkt samráð verði haft við fagfólk og fræðafólk á þessum sviðum m.a. fötlunarfræðina í H.Í. allt frá upphafi undirbúningsferils (sem er nú væntanlega hafið) og til langs tíma. Samráð þarf að auki að vera við notendur fyrst og fremst og aðstandendur og marga aðra aðila.

Nægilegir tekjustofnar verða að fylgja og ekki má gera sömu mistök eins og gerð voru þegar skólarnir voru fluttir yfir að dæmið sé ekki reiknað til enda og risastórir bakreikningar myndist.

Það er t.d. fyrirsjáanleg mikil breyting á komandi árum varðandi þjónustu við bæði fatlað fólk og aldrað þar sem stoðþjónusta mun að öllum líkindum taka við af stofnanaþjónustu. Það er að þjónustan og húsnæðið sé ekki endilega samhangandi þættir og þjónustan verði eftir fremsta megni notendastýrð. Þá fær notandinn fjármagnið (eða umbjóðendur hans) og ráðstafa því sjálfir í það að kaupa sér þjónustu. Þjónustan má ekki vera þannig að hún verði að fylgja ákveðnu þaki, ákveðinni steinsteypu þannig að ef þjónustuþörf breytist þurfi viðkomandi t.d. að flytja. Þjónustan á að geta verið einstaklingsmiðuð og sveigjanleg og geta tekið breytingum í takt við líf þess sem hana notar. Kerfið okkar er allt of þungt í vöfum í dag og stíft. Fólk á að geta búið í sinni eigin íbúð eða íbúð, sambýli eða öðru búsetuformi sem rekið er af öðru fyrirtæki og notað þjónustu úr ólíkum áttum.

Kostirnir við þessa yfirfærslu eru gríðarlega margir og um það eru held ég flestir sammála. Það hafa því miður ótal mál fallið á milli ríkis og sveitarfélaga undanfarin ár þar sem hvor aðili vísar á hinn. Nærþjónusta er langoftast talin vera betri þar sem hún á að geta verið sveigjanlegri og einstaklingsmiðaðri og styttri boðleiðir eru í því formi.

Ég óttast hins vegar mikið aðra þætti eins og það að tekjustofnar fylgi ekki nægilega vel með. Ég óttast það að þetta verði ákaflega erfitt fyrir minni sveitarfélög (þar þarf t.d. jöfnunarsjóður sveitarfélaga að koma inn). Ég óttast einnig því miður að þjónustan verði of ólík á milli sveitarfélaga og því geti sveitarfélög jafnvel meðvitað haft áhrif á það hvort fólk sem þarf á þessari þjónustu að halda flytjist í sveitarfélagið eða frá því eftir því hversu góð eða slæm þjónustan er. Hér þarf að koma inn einhver trygging og trúnaðarmenn fatlaðra og aldraðra þurfa að vera nógu margir og virkir hvað þetta varðar. Einnig þarf að vera einhver ákveðinn rammi á því hvað telst vera grunnþjónusta sem öllum sveitarfélögum verði skylt að veita. Það er sorglegt og ólíðandi ef sveitarfélög geta valið sér þegna með þessum hætti þar sem þessari þjónustu fylgja útgjöld en minni tekjur. Hér gæti jöfnunarsjóður spilað ákveðið hlutverk.

Ég gerði í starfi mínu í fjölskyldunefnd í Mosfellsbæ lauslegan samanburð á ferðaþjónustu fatlaðra og liðveislu á milli nokkurra sveitarfélaga og það er sláandi munur á þeirri þjónustu sem er í boði og við það er ekki hægt að una. Það er ekki hægt að sætta sig við slíkan mun á lífsgæðum og sjálfsögðum rétti og raunin er aðeins eftir því hvort þú býrð í Grafarvogi eða Mosfellsbæ, sitt hvoru megin við hólinn. Þjónustan var mun slakari í Mosfellsbæ en Grafarvogi. Einhverja línu verður að setja til þess að tryggja ákveðna þjónustu svo þessir hópar hafi raunverulegt val um það hvar þeir vilja búa og fólk þurfi ekki að flytja hreppaflutningum.

Að ótal mörgu er að huga og eflaust mun margt ekki koma í ljós fyrr en á reynir. Hins vegar er hér um stórt og spennandi verkefni að ræða sem á að geta verið jákvætt til lengri tíma ef undirbúningur er góður og vel er vandað til verka.

Ég ítreka það og vona að það sé þegar hafið að notendur sjálfir, hagsmunasamtök, aðstandendur, fræðafólk og fagfólk komi markvisst og virkt að öllum skrefum í ferlinu. Annars munu vera gerð stór mistök sem erfitt verður að leiðrétta þegar á hólminn er komið.

Einnig þarf að huga mjög vel að því hvernig flytja á þá gríðarlegu þekkingu sem skapast hefur og standa vörð um þann mannauð sem vinnur á þessum sviðum við yfirfærsluna.

Ég legg einnig til að við förum aðeins að fordæmi Dana hvað varðar þjónustu við fólk og leggjum meiri áherslu á það að fjárfesta í mannauðnum heldur en í dauðum hlutum og steinsteypu. Í einum leikskóla sem ég heimsótti var margt athugavert við ytra byrði skólans og sumt orðið lúið en þar störfuðu 6 fagmenn og 1 nemi og 2 ófaglærðir. Ég held að við Íslendingar séum oft of upptekin við það að eyða pening í það sem sést á pappír eða sést með berum augum en svo er ekkert eftir þegar á að fjárfesta í fólkinu sjálfu. Sú fjárfesting skilar arðsemi, ekki steinsteypan!

Ég læt þessar fáu hugleiðingar duga í bili en af nógu er að taka hvað þetta verkefni varðar.

Samskipti ríkis og sveitarfélaga rædd á landsþingi

Hvort er meira virði tíminn eða verndun jarðar?

Það virðist fara eftir því um hvern er rætt.

Einhver sagði: Eftir höfðinu dansa limirnir. Veit ekki alveg hvernig fer þegar allir fara að dansa eftir tvíhöfða ríkisstjórninni.

Kannski eiga sum mál bara við á pappír, ekki í raunveruleikanum?

Bendi ykkur á http://truflun.net/eggert/2008/04/03/einka%c3%beotan-arsutblastur-10-folksbila/

Mjög fræðandi pistill um umhverfismál.

Er þokan á gleraugum heimsbyggðarinnar að skýrast?

Nú eru kínversk stjórnvöld í vanda.

Með hverjum deginum sem líður fellur glæsitjaldið betur og betur og smátt og smátt koma í ljós mannréttindabrot þau sem teljast daglegt brauð þar í landi þegar augu umheimsins beinast að Kína.

Þetta er ekki heppilegt þegar á að setja upp glæsilega leiksýningu til að sýna heimsbyggðinni fram á allt annað en raunveruleikann.

Hvað ætli margir hafi verið fangelsaðir vegna slíkra glæpa síðustu ár?

Hvað ætli margir hafi verið myrtir vegna mótmæla gegn kínverskum stjórnvöldum?

Hvað er að heimsbyggðinni, hvers vegna er þoka á mannréttindagleraugunum? Eru þau kannski þakin blóði?

Það er ekki hægt að þvo hendur sínar af því að horfa framhjá þessu.

Það geta Ingibjörg Sólrún Gísladóttir, utanríkisráðherra  og íslensk stjórnvöld ekki heldur gert.

Kínverskur aðgerðarsinni fangelsaður

Tákn frelsis eða tákn ráns?

Það er mikil kaldhæðni fólgin í því að kínversk stjórnvöld ætli sér að láta ólympíueldinn fara um Tíbet til þess að láta þetta tákn frelsis og styrks mannsandans lýsa upp andlit Tíbeta sem bera djúp ör menningarlegs þjóðarmorðs þess sem framið hefur verið gegn þeim í tæplega 60 ár og í ljósi nýjustu atburða.

Því miður tel ég engar líkur á því að Dalai Lama verði bænheyrður nú frekar en áður enda er hann ekki í miklum metum hjá kínverskum stjórnvöldum eða þeas. hann og "klíka" hans sem standa fyrir sjálfsmorðsárásum búddhamúnka að sögn kínverskra áróðursmeistara. Ég hef sjaldan heyrt meiri öfugmæli og merkilegt hversu langt áróðursmeistarar kínverskra stjórnvalda telja sig geta teygt lygarnar.

Kannski má segja sem svo að ef Tíbetar eru Zeus og eldurinn sjálfstæði þeirra, þjóð og menning þá eru kínversk stjórnvöld í hlutverki Prómóþeifs sem stal eldinum skv. grískri goðafræði. Þessi líking á betur við en sú að eldurinn tákni frelsi og reisn mannlegs anda. Fyrir Tíbeta er það eins og að fá spark í sig liggjandi.

Bendi ykkur á að lesa frábæra ritstjórnargrein sem birtist 29. mars s.l. í Morgunblaðinu.

http://www.mbl.is/mm/gagnasafn/grein.html?radnr=1203167

 

Hvetur til þess Ólympíukyndilinn fari ekki til Tíbet

Þetta verður þú að sjá

http://www.youtube.com/watch?v=0VRneGYpaXc&feature=related

Kæru Íslendingar, opnið augun fyrir Tíbet.

Ég bið ykkur um hjálp til handa Tíbet.

Kæru stjórnmálamenn og aðrir áhrifamenn.

Ekki loka augunum fyrir Tíbet.

Nú er tækifærið.

Tími Tíbeta er kominn.

Kristbjörg, vinur Tíbet.

Hrós

Hrós kostar ekki neitt.

Hrós er eitt það besta sem þú getur veitt fólkinu í kringum þig.

Hrós eru þau bestu laun sem þú getur borgað.

Hefur þú hrósað einhverjum í dag?

Það ætti að taka skrefið lengra

Ánægjulegt að komin sé löngu tímabær, tímasett ákvörðun varðandi stimpilgjöld. Það hefði hins vegar verið betra að sjá menn ganga alla leið og afnema þau með öllu.

Það er merkilegt hvað það er miklu smurt ofan á íslenska neytendur og nefnt ýmiss konar nöfnum. Sem dæmi má taka að í Danmörku eru engin færslugjöld af Dankortinu sem langflestir nota. Það er heldur enginn fit kostnaður. Ef menn fara langt yfir á kortinu þá hefur bankinn samband og lætur fólk vita af því án frekari aðgerða.

Þetta mættu íslenskir bankar taka sér til fyrirmyndar.

Það er jákvætt varðandi þessar aðgerðir að styðja eigi þá sem eru að kaupa sína fyrstu íbúð því eins og menn hafa rætt er það orðið ungu fólki nær ómögulegt að eignast sína fyrstu eign. Það getur hins vegar eins og formaður fasteignasala nefnir valdið vandræðum að skilgreina þetta. Ef fólk t.d. erfir lítinn hlut í fasteign og er þá skráð fyrir henni þá mun það sennilega ekki fá afnumin stimpilgjöld af sinni fyrstu íbúð sem það kaupir.

Ég hvet fólk til að kynna sér góðar færslur á síðu bloggvinar míns Halls Magnússonar www.hallurmagg.blog.is sem er með góðar hugmyndir varðandi það hvernig hægt sé að þróa Íbúðalánasjóð þannig að hann geti staðið betur undir hlutverki sínu. Hlutverk Íbúðalánasjóðs hefur sjaldan verið eins mikilvægt eins og nú til þess að tryggja fólki möguleika á að festa kaup á eigin húsnæði hvar sem er á landinu. Það er til dæmis mjög áhugaverð og löngu tímabær hugmynd sem hann reifar að endurskoða þurfi það ákvæði að miðað sé við brunabótamat. Eins og menn vita er það langt undir þeirri upphæð sem fólk þarf að greiða fyrir íbúðina og flestir hafa ekki svo mikið til þess að reiða fram. Sérstaklega ekki þeir sem eru að koma undir sig fótunum í fyrsta sinn eða eru efnalitlir. Þetta er því gríðarlega mikilvægt atriði til að styðja við þá sem helst þyrfti.

 

Óttast stíflu á fasteignamarkaði fram til 1. júlí

Leið-togi

Er í fyrirlestri um leiðtoga.

Þá datt mér í hug sú góða kenning að leiðtogi sé:

Sá sem togar leiðann úr fólki .

 

Þetta er áhugavert einkaþotumál

Mér þykir áhugavert að menn skuli þurfa að minnsta kosti 3 fréttir á mbl og allar með ólík rök til þess að verja þessa einkaþotureisu Ingibjargar og Geirs.

Ég efast nú um að þetta væri gagnrýnt svona ef þetta væri "hagstæð leið".

Af hverju eru menn í svona mikilli vörn ef þetta er fullkomlega eðlilegt?

http://www.kristbjorg.blog.is/blog/kristbjorg/entry/492989/

Munaði 100-200 þúsund krónum